13 Uur

Om 05:36 hardloop die vrou teen die hang van Leeukop. Sy is jonk, beeldskoon, Amerikaans – en beangs. Sy word soos 'n dier gejag deur mans wat net ure gelede haar beste vriendin se keel afgesny het. Om 05:43 bel hulle vir speurder-inspekteur Bennie Griessel wakker. Hy moet kom, 'n jong meisie se lyk le langs St. Martini, die Lutherse kerk bo in Langstraat. Die vorige aand nog het hy gedink dit gaan vir hom 'n spesiale dag wees: Die begin van 'n nuwe era in sy loopbaan, as mentor van 'n groep jong swart en bruin speurders. En hy verwag nuus oor sy bevordering. 'Kaptein Bennie Griessel'. Dit klink vir hom reg. Behoort 'n redelik normale dag te wees. Tot sy jong span polisiemense begin stry, baklei, struikel. Met die kerkmoord. Met die middeljarige, alkoholis-vrou wat haar man, 'n groot gees in die Afrikaanse musiekbedryf, twee keer met sy eie pistool deur die hart geboor het. Met die soektog na die Amerikaanse toeris. Terwyl die diplomatieke telefoonlyne vuurwarm gebel word en selfs die Minister begin druk toepas, sodat die hele mentor-ding soos mis voor die son verdwyn en Griessel self moet inklim om die gemors te probeer red. Om nie eens te praat van sy persoonlike probleme nie. Sy bankrekening lyk sleg, hy stoei nog met die dranklus, sy vervreemde vrou Anna bel uit die bloute en se vanaand is die aand dat hulle oor die toekoms moet gesels. Weet sy van die 26-jarige rekenaartegnikus met die aansienlike borste wat hy gisteraand, in 'n oomblik van swakheid, op sy sitkamerbank beetgekry het? Boonop kondig sy vriend en kollega Mat Joubert aan dat hy die SAPS gaan verlaat, en dan bel sy seun Fritz met die nuus dat hy klaar is met skool, hy gaan kitaarspeler word in 'n rock-groep met die naam van 'Wet & Orde'. En dan, net wanneer hy op die punt staan om die Amerikaanse meisie te red, skiet hulle vir Bennie Griessel. Reg in die hart. Redelik normale dag, jou tipiese dertien uur van Suid-Afrikaanse wetstoepassing.
Author:
Deon Meyer

Average customer rating:

  (view reviews)

Short Description

Om 05:36 hardloop die vrou teen die hang van Leeukop. Sy is jonk, beeldskoon, Amerikaans – en beangs. Sy word soos 'n dier gejag deur mans wat net ure gelede haar beste vriendin se keel afgesny het. Om 05:43 bel hulle vir speurder-inspekteur Bennie Griessel wakker. Hy moet kom, 'n jong meisie se lyk le langs St. Martini, die Lutherse kerk bo in Langstraat. Die vorige aand nog het hy gedink dit gaan vir hom 'n spesiale dag wees: Die begin van 'n nuwe era in sy loopbaan, as mentor van 'n groep jong swart en bruin speurders. En hy verwag nuus oor sy bevordering. 'Kaptein Bennie Griessel'. Dit klink vir hom reg. Behoort 'n redelik normale dag te wees. Tot sy jong span polisiemense begin stry, baklei, struikel. Met die kerkmoord. Met die middeljarige, alkoholis-vrou wat haar man, 'n groot gees in die Afrikaanse musiekbedryf, twee keer met sy eie pistool deur die hart geboor het. Met die soektog na die Amerikaanse toeris. Terwyl die diplomatieke telefoonlyne vuurwarm gebel word en selfs die Minister begin druk toepas, sodat die hele mentor-ding soos mis voor die son verdwyn en Griessel self moet inklim om die gemors te probeer red. Om nie eens te praat van sy persoonlike probleme nie. Sy bankrekening lyk sleg, hy stoei nog met die dranklus, sy vervreemde vrou Anna bel uit die bloute en se vanaand is die aand dat hulle oor die toekoms moet gesels. Weet sy van die 26-jarige rekenaartegnikus met die aansienlike borste wat hy gisteraand, in 'n oomblik van swakheid, op sy sitkamerbank beetgekry het? Boonop kondig sy vriend en kollega Mat Joubert aan dat hy die SAPS gaan verlaat, en dan bel sy seun Fritz met die nuus dat hy klaar is met skool, hy gaan kitaarspeler word in 'n rock-groep met die naam van 'Wet & Orde'. En dan, net wanneer hy op die punt staan om die Amerikaanse meisie te red, skiet hulle vir Bennie Griessel. Reg in die hart. Redelik normale dag, jou tipiese dertien uur van Suid-Afrikaanse wetstoepassing.

Product details

Author:
Deon Meyer
Format:
Paperback
Imprint:
Human & Rousseau
Publisher:
NB Uitgewers / Publishers
ISBN:
9780798150101
Audience:
General
Pages:
384
Width (mm):
152
Length (mm):
222

Customer reviews

Rate or write a review for this product

Die afwagting is asemrowend!

Ek kon die boek nie neersit voor dit nie klaar gelees is nie, die afwagting begin op die eerste bladsy en dit slaan my asem weg! My hartklop gaan al hoe vinniger in angs vir die vlugtende meisie. Die karakters is baie realisties, ek lag, huil, skrik, vloek alles saam elkeen!

Ag nee wat

Ek is alweer bitterlik teleurgesteld in Afrikaanse literatuur. Hier word so ophef van die boek gemaak maar die boek kon net sowel 100 bladsye gewees het. As mens al die gevloek, seks en misbruik van die Here se naam uit die boek haal sal hy heelwat dunner wees. Hoe kan ons jongmense van vandag 'n liefde vir lees wil gee as dit al is wat ons kan lewer. Ek kan nie dink dat 'n persoon wat lief is vir lees sulke taalgebruik kan verduur nie. Ek kon nie.

Ongelooflik

Deon Meyer kry dit net elke keer reg om 'n mens tot op die laaste bladsy te boei. Die ontkoping is altyd onverwags en heeltemal onvoorspelbaar.

Mens kan Deon Meyer se boeke maar net nie neer sit nie ... 13 Uur is absoluut uitstekend. Ek was omtrent saam met Rachel uitasem (dit voel of ek al hoe vinniger lees!). Ek kan nie wag vir Deon Meyer se volgende boek nie.

13 uur.... of minder is die tyd wat jy nodig het om meer as 400 bladsye van spanning en intrige te lees... nee, te verslind! Ek kon dit netnie neersit nie en alles in die huis het tot stilstand gekom totdat ek die laaste bladsy gelees het. Daarna het ek nog vir lank stof tot nadenke gehad. Defnitief aan te bevele!

 

Your Recent History

Recently Viewed Items

 

Other products to consider