Long description
kykNET se vlagskipjoernaalprogram Kwela se Amateur Videokompetisie is enig in sy soort in Suid-Afrika en word reeds die afgelope ses jaar met groot sukses aangebied. 125 van die beste snaakse videoes tussen 2002 en 2006 is gekies vir die eerste Kwela Funnies DVD. Hulle is in ses afdelings gegroepeer, naamlik Kaplakse (mense en kinders wat val), Dieremanewales (diere en hulle vreemde maniere), Kinderkaskenades (kinders se onvoorspelbare doen- en segoed), Spektakels (grootmense wat kraters van hulleself maak), Mense- en dieremaniere (die vreemde onderonsies tussen mense en diere) en Popsterre (voornemende sangers en hulle eiesoortige oudisies).