Hierdie is ’n splinternuwe uitgawe van ’n ou gunsteling, ryk aan stories wat elke kind sal geniet en waardeer. My gunsteling kinderbybel is eenvoudig en verstaanbaar geskryf en ideaal vir ouer en kind om saam te ontdek, maar ook vir die kind om self te lees. Die belangrikste gebeurtenisse, van die skepping tot Jesus se geboorte en veel meer, gee die kind die geleentheid om die Bybel op ’n interessante manier te ontdek – deur die chronologiese volgorde waarvolgens die Bybel in een storie saamgesnoer word. Bybelverwysings vir elke storie gee die kind die geleentheid om die volle gebeurtenisse verder self te ontdek. Die boek se formaat is klein genoeg vir kinders om te hanteer, terwyl die druk groot genoeg is vir hulle om maklik te lees.