Short description
Briljant vertaal deur Janie Oosthuysen, bekroonde skrywer in eie reg en vertaler van die Harry Potter-boeke.
Long description
Briljant vertaal deur Janie Oosthuysen, bekroonde skrywer in eie reg en vertaler van die Harry Potter-boeke.
Die twaaljarige Artemis Fowl is ’n meesterlike kriminele denker. Maar selfs Artemis weet nie wat hy aanpak wanneer hy die fee, kaptein Holly Short van die AARDrecon-eenheid, ontvoer nie. Hierdie feë is nie van die feë wat in vaakstories voorkom nie. Hulle is gewapen en gevaarlik. Artemis reken hy het hulle net waar hy hulle wil hê, maar dan hou hulle op om volgens die reëls te speel . . .
Artemis Fowl is ’n boek vir mense wat hou van fantasie-avontuur. Dit is ’n meesleurende en ietwat subversiewe feeverhaal vir alle ouderdomme. Hoogs suksesvol en met verstommende verkope in die VK, die VSA en 31 ander lande, het dit ook reeds ’n uitgewers-fenomeen geword. Die filmregte is reeds verkoop en die volgende drie volumes is besig om geskryf te word. So, raak nou verslaaf, indien jy nie reeds is nie!
Eoin Colfer het in hierdie boek ’n super-gevorderde wêreld geskep – wat kompleks, meesleurend en vol avontuur en intrige is.
Artemis Fowl is op die kortlys van die WHSmith Book Awards 2002