Short description
Die mees gevreesde sekuriteitspolisieman in die laaste drie dekades van apartheid was ongetwyfeld generaal "Lang Hendrik" van den Bergh, die hoof van die Buro van Staatsveiligheid.
Long description
Die mees gevreesde sekuriteitspolisieman in die laaste drie dekades van apartheid was ongetwyfeld generaal "Lang Hendrik" van den Bergh, die hoof van die Buro van Staatsveiligheid. Hierdie titel deur 'n voormalige veiligheidspolisieman gebruik feite om die verhaal van die sluipmoordenaar se bewind te rekonstrueer, 'n drama van politieke moorde in sy fanatieke ywer om kommunisme te stuit. Van den Bergh was verantwoordelik vir die inhegtenisname van Nelson Mandela en het 'n indrukwekkende intelligensienetwerk opgebou met organisasies soos MI5, die CIA, Mossad, en ook Franse en Duitse agentskappe, met wie se hulp hy operasies uitgevoer het wat hom ’n gedugte figuur gemaak het in die skaduwereld van Koue-oorlogspioenasie. In Suid-Afrika is daar volgens die titel aanduidings dat hy betrokke kon wees by die sluipmoord op Eerste Minister HF Verwoerd, asook by die Johannesburge stasiebom-aanval, en die moord op dr Robert Smit en sy vrou, op wie se kombuismuur die geheimsinnige woorde "RAU TEM" geverf was. Volgens die titel mag hy selfs betrokke gewees het by die dood van die voormalige staatspresident Nico Diederichs en die NG teoloog professor Johan Heyns. Die meeste van hierdie moored is nooit opgelos nie. 'n Groot gedeelte van die intrige gaan oor die finansiele skandaal wat binne die Departement van Inligting afgespeel het rondom die ontwykende dr Eschel Rhoodie. Die titel ontbloot met 'n gevoel van dringendheid die vreesaanjaende ideolgie wat 'n hele samelewing tot ’n morele vryval gedryf het.