Short description
Hierdie titel is uniek omdat dit fokus op 'n goeie verhouding tussen nuwe ouers eerder as op die baba of ouerskap as sodanig – dit gaan oor hoe om 'n gelukkige ouerpaar te wees. Het jul verhouding verander sedert die geboorte van jul baba?
Long description
Hierdie titel is uniek omdat dit fokus op 'n goeie verhouding tussen nuwe ouers eerder as op die baba of ouerskap as sodanig – dit gaan oor hoe om 'n gelukkige ouerpaar te wees. Het jul verhouding verander sedert die geboorte van jul baba? Praat julle nog met mekaar en bring tyd as paartjie deur? Dink jy jou maat verstaan hoe jou lewe nou verloop? Het julle minder gereeld seks? Die meeste ouerpare ervaar verhoudingsprobleme na die aankoms van 'n nuwe baba. Die chaos en uitputting en die veranderinge in albei se lewens lei dikwels daartoe dat hulle nie meer doeltreffend kommunikeer nie. So vind gesprekke oor verantwoordelikhede, die deel van die werklas wat die nuwe baba meebring, wat naweke moet gebeur en wie se werk dit is om kos te kook en die huis aan die kant te maak, dikwels nooit eers plaas nie. En wanneer dit wel gebeur, bring dit spanning eerder as oplossings mee. Te veel van ons val terug op verwagtinge oor wat ons maat behoort te doen en voorsien, wat gegrond is op uitgediende stereotipes, en leef jare lank ongelukkig hiermee saam. Lees hier hoe ander ouerpare na die geboorte van hul baba voel. Leer hoe jy gelykheid, begrip en vervulling in jou verhouding kan skep. Met behulp van die Wat ons kan doen - seksies kan julle jul eie soort gesin vorm – een wat by julle albei pas en 'n gelukkige, koesterende omgewing vir julle kinders bied. Om 'n sterk en standvastige vennootskap te bou, is die grootste uitdaging wat nuwe ouers vandag in die gesig staar. Gesprekke na baba help jou om hierdie uitdaging die hoof te bied en die beste pad vorentoe te vind.