Short description
"Sy was 'n onsterflike elf - en soos met elke elf het daar 'n betowering van haar uitgegaan. Die betowering was dat sy jou teruggeneem het na daardie kindheid van haar, die oertigheid van kind-wees. Dit het 'n sekere suigkrag ... dit suig jou in."
Petra Müller
Long description
INGRID JONKER - BEELD VAN 'N DIGTERSLEWE is die eerste volledige biografiese publikasie oor die lewe van die legende, die ikoon wat hierdie aantreklike, jong digter geword het. Sedert haar dramatiese dood in Julie 1965 leef Ingrid Jonker agter 'n sluier van geheimhouding voort. Haar armoedige kinderdae, haar moeilike verhouding met haar pa, haar huwelik, haar stormagtige liefdesverhoudings met die skrywers Jack Cope en André Brink word hier vir die eerste keer in ware perspektief gestel. 'n Luukse publikasie van 256 bladsye, met byna 140 foto's, 60 briewe, manuskripte van gedigte en tot nou toe verborge inligting.