Short description
Die sentrale metafoor in dié digbundel is die kaplyn. In die Suid-Afrikaanse Grensoorlog was die kaplyn ‘n oopgeskraapte stuk grond aan die gevegsfront waarop spore van betreders waargeneem kon word. In hierdie poësie is woorde sulke spore – paradoksaal tekens van teenwoordigheid én afwesigheid, mag én onmag, lewe én dood… Gibson verskuif sy grense onder meer deur ‘n uitgesponne vers gekenmerk deur ‘n tuimeling van beeld op beeld, ‘n onstuimige vloed van woorde wat spesifiek indruis teen die onmag van woorde. “Kaplyn is ‘n bundel wat ook gevoed word deur die vermoede dat die krag van die poësie onderlê word deur sy eie onmag. En dit is een van die maatstawwe van artistieke volwassenheid“. – Litnet