Teen dié tyd weet ma’s (en pa’s) dat Jenny Dodd se partytjieboeke onontbeerlik is om te verseker dat hul kinders se partytjies so te sê kinderspeletjies is om te organiseer. Ons hou partytjie gaan op soortgelyke wyse as Partytjie-idees vir Kinders en Partytjiepret voort, met ’n nuwe reeks fantastiese temas vir kinderpartytjies wat jou nie te veel geld uit die sak sal jaag nie.
Jenny lei jou met die beplanning, uitnodigings, kos (waaronder koekresepte), dekor, temas en vermaak. Die temas kan vir verskillende ouderdomsgroepe aangepas word, van kleintjies tot tieners (en soms selfs nóg ouer), asook vir verskillende geleenthede.
Die temas is:
Polkakolle
Putjiespel
In die kleine
Formule 1
Partytjiegoggas
Kranige kokke
Pret op ys
Bestemming Mars
Betowerde woud
Pret op die plaas
Blink brandweerwa
Die groot nommer 1
Karatekampioene
Ponieparade
Skipbreuk
Wêreldbekersokker
Steentydperk
Hoërskool-opskop
Misdaadtoneel
Reis na Egipte