Long description
Koos Kombuis - die man met die bandana, die kitaar en die hartseerstem - is ook die digter André Letoit. "Ek sal nooit vergeet hoe opgewonde ek was toe ek die dag my eerste gepubliseerde boek ... deur die pos ontvang het nie," skryf Koos Kombuis oor Suburbia se eerste druk. 'n Jaar voor daardie heuglike dag is die voornemende digter egter deur 'n uitgewery aangeraai om "nooit weer publikasie (te) oorweeg nie" en net te "skryf vir ... terapie". Maar sy verse sou "viriel regop staan soos mielies in die geel transvaal" en hierdie herdruk, 21 jaar later, is 'n viering daarvan:
aan jou bemaak ek al my drome
kyk dit op die TV-screen van jou hart
probeer die plot ontrafel.