Short description
Die Here se hand is op haar. Hy gee haar tekens, oral - duiwe op die dak, telefoonnommers, verse uit die Skrif. Sy gebruik dit by die dobbeltafels en wen fabelagtige bedrae. Sy is 'n begenadigde. Maar is sy?
Long description
Die Here se hand is op haar. Hy gee haar tekens, oral - duiwe op die dak, telefoonnommers, verse uit die Skrif. Sy gebruik dit by die dobbeltafels en wen fabelagtige bedrae. Sy is 'n begenadigde. Maar is sy? Gou verander haar eerste opwinding in 'n obsessie. Haar hande wil dobbelstapels pak eerder as haar kinders versorg. Sy verkies die geselskap van haar dobbelmaats bo die van haar man, die tempel van Mammon bo die van God. En so beland Carla Marais in 'n maalkolk wat haar insluk en in 'n spiraal afvoer, wat haar net sal vrylaat nadat sy haarself en haar naastes verloen het. En nadat sy haar laaste menswaardigheid prysgegee het. Trippel sewe bevestig ou waardes en waarhede. Soos dat die liefde werklik alles glo, alles verdra, alles hoop.