Short description
Die klein, op-die-oog-af vreedsame eilandgemeenskap van Kaap Skuilhoek word geruk deur die dubbele moord op twee van die idilliese eiland se mees geliefde inwoners, Wayne en Thelma Owens.
Long description
Die klein, op-die-oog-af vreedsame eilandgemeenskap van Kaap Skuilhoek word geruk deur die dubbele moord op twee van die idilliese eiland se mees geliefde inwoners, Wayne en Thelma Owens. Die moordwapen behoort aan hul skoonseun, Jonathan Cleary. Hoewel die eiland se polisiehoof, kaptein Matthew Cade, verplig is om hom in hegtenis te neem, is hy nie oortuig dat sy beste vriend tot so 'n wrede daad in staat is nie. Die Owense se Christelike bediening op die eiland, 'n huis wat 'n heenkome aan uitgeworpenes bied, huisves baie meer gure karakters as Jonathan. Die gemeenskap is vreesbevange dat daar 'n moordenaar in Hanoverhuis skuil wat dalk weer kan toeslaan. Morgan Cleary is verpletter deur haar ouers se dood en sukkel om Hanoverhuis aan die gang te hou terwyl haar man in die tronk sit. Sy kan nie regtig op haar suster, Blair, staatmaak vir hulp nie. Blair is verbitterd oor die littekens uit haar verlede en wil niks met Hanoverhuis of Christenskap te doen he nie. Sy maak egter in haar vasberade soektog na haar ouers se moordenaar ontstellende ontdekkings. Vir Morgan, Blair en Cade ontaard dit in 'n dodelike wedloop teen tyd met baie meer as Hanoverhuis op die spel. Eiland van toevlug is 'n spannende verhaal oor verraad, emosies en liefde wat die leser tot op die laaste bladsy sal boei..