Short description
Isak Burger lê ’n wêreld bloot buite die grens van die mens se sintuiglike veld van waarneming: die geesteswêreld in ’n ander dimensie as dié waarin ons dinge beleef. Hy werp lig op engele en hulle rol in ons lewe, Satan en sy demone se mag in die wêreld en die gelowige se rol in die geesteswêreld. Hierdie boek sal lesers se oë oopmaak vir die onsienlike wêreld rondom ons. ’n DVD oor kontak met afgestorwenes is by die boek ingesluit.
Long description
In hierdie openbarende boek wys Isak Burger lesers daarop dat die geesteswêreld nie geografies bepaal kan word nie. Dis nie ’n wêreld op ’n ander plek nie, maar in ’n ander dimensie wat vlak buite die grense van die mens se sintuiglike veld van waarneming lê. Hy werp lig op sake soos die realiteit van die geesteswêreld en dat God ook die Skepper daarvan is. Hy wei ’n hele afdeling aan engele en die rol wat hulle in ons lewe speel. Hy kyk ook na die onderwerp van Satan en sy demone en die mag wat hulle in die wêreld het. En laastens fokus hy op die gelowige en die geesteswêreld, ’n oorlogsterrein én lewensarena.
Isak Burger wys gelowiges daarop dat dit noodsaaklik is om kennis te neem van die geesteswêreld en wat daarin gebeur. Met die lees hiervan sal lesers weet: die geesteswêreld is ’n realiteit.