Short description
Is jou lewe buite beheer? Buit ander mense jou uit? Vind jy dit moeilik om nee te se? Duidelike grense is 'n voorvereiste vir 'n gesonde, gebalanseerde lewenstyl. 'n Grens is 'n persoonlike eiendomslyn wat daardie dinge omhein waarvoor ons verantwoordelik is.
Long description
Is jou lewe buite beheer? Buit ander mense jou uit? Vind jy dit moeilik om nee te se? Duidelike grense is 'n voorvereiste vir 'n gesonde, gebalanseerde lewenstyl. 'n Grens is 'n persoonlike eiendomslyn wat daardie dinge omhein waarvoor ons verantwoordelik is. Grense bepaal wie ons is en wie ons nie is nie. Grense beinvloed alle terreine van ons lewe: Fisiese grense help bepaal wie mag ons aanraak asook hoe en wanneer. Verstandelike grense gee ons die vryheid om ons eie gedagtes en menings te koester. Emosionele grense help ons om ons eie emosies te hanteer en maak ons vry van die skadelike en manipulerende emosies van ander. Geestelike grense help ons om God se wil van ons eie te onderskei, en gee ons nuwe eerbied vir ons Skepper. Christene konsentreer dikwels so hard daarop om liefdevol en onselfsugtig te wees dat hulle hul eie perke en beperkings vergeet. Die skrywers gee hier vir ons bybelse insigte in hoe om gesonde grense te bepaal teenoor ons ouers, huweliksmaats, kinders, vriende, kollegas en selfs teenoor onsself – grense wat ons die vryheid gee om die liefdevolle, meelewende en vervulde mense te wees wat God se bedoeling met die skepping was.