Write a review for this product.
Rate this product.
Uiteindelik 'n ware storie in Afrikaans
Reviewed by Unknown on 29 November 2006
546 of 1055 people found the following review helpful:
As 'n persoon met 'n 5 jaar graad in tale was dit nog altyd vir my hartseer dat die afrikaanse literatuur glad nie werklik storieboeke het nie. Mens kry net twee tipes literatuur in Afrikaans: die soetsappige roman, soos Ena Murray (wat ek al van kleins af lees) en dan die, in my opinie, super onleesbare letterkundige boeke wat my prof oor liries geraak het. Die ware groot name. Geen mens lees sulke boeke in hulle vrye tyd nie.. (
Wel nie die opregte gewone man op straat nie). So ek het maar probeer tevrede wees met die algemene Mary Higgens Clark en James Patterson boeke in Engels.
Toe ek een middag terslyks in my plaaslike CNA rondslenter en die oulike omslag van 'Met Ander Woorde' sien, kon ek nie anders as om dit op te tel en te lees waaroor dit gaan nie. En was dit 'n groot verrassing!
'Met ander woorde' is die eerste Afrikaanse storieboek wat nie handel oor hoe die ewige pragtige heldin die sterk aantreklike held inpalm nie, en werklik leesbaar is. Ek kon die boek nie neersit nie. Die taalgebruik was soos die Afrikaans wat ek in my huis praat, die mense soos die mense wat ek elke dag mee te doen kry, die storie geloofwaardig en interressant.
Die storie probeer nie een of ander politieke boodskap oordra nie, dit probeer nie 'n prof by 'n Afrikaanse departement beindruk nie, dit probeer my kry om uit te vind wat het met arme Kristina gebeur. Ek hou van die karakters en is besorg oor hulle.
Dit is verfrissend om te sien dat 'n storie net 'n storie kan wees, met allerdaagse Afrikaans en relevante storielyne. Ek kan nie wag om al Wilna Adriaanse se boeke te koop en te lees nie. En ek hoop hierdie is nie die laaste lekker lees boek in Afrikaans nie.
Was this review helpful? 
