Long description
Die Voetsporespan het vertrek uit Kaapstad, onderweg na die hoogste berg op die Afrika kontinent. Die reis het geloop deur die Sederberge, die Groen Kalahari, die Kgalagadi, die Sentraal Kalahari, Moremi, Savuti, Chobe en Barotseland. Van daar het die roete oos gedraai oor Lusaka onderweg na Suid Luanga, die Malawi meer en Cabo Delgado in die Noorde van Mosambiek. In Tanzanie was die span by die Selous, Dar es Salaam, Zanzibar, die Ngorogorokrater, die Serengeti en die Natronmeer. Die reis is afgesluit in Kenia aan die voetheuwel van Kilimanjaro in die Amboseli Nasionale park.
Weer is daar tydens die reis gebruik gemaak van die alternatiewe roetes - die 4x4 roetes. Weer het die span hoofsaaklik gekamp, en saans is daar aandag gegee aan die beste safari cuisine denkbaar. Voetspore het vir die span, soos vir baie van die kykers na die reeks, leefwyse geword.