Die multi-platinum kunstenaars en SAMA wenners Die Campbells sit “Voet in die Hoek” met hul nuwe Afrikaanse album. Weereens wys Die Campbells hoekom hulle as die gewilde sokkie prinse bekend staan. Die 17 snitte op die nuwe album is ‘n mengsel van Afrikaans en Engelse sokkie country musiek.
Een van die ses nuwe Afrikaanse liedjies Yvonne is ‘n lekker saamsing country treffer wat die hartsnare sal roer en die voete laat jeuk. Die Campbells verras ook met ‘n vars klank in die title snit Voet In Die Hoek wat met die hulp van Ewald Coleske beloof om ‘n groot treffer te wees. Die album sluit ook bekende Afrikaanse liedjies soos Liefling en ‘n sokkie keurspel met Loslappie, Getoor en Liewe Lulu in. Op aanvraag van hulle ondersteuners is daar ook bekende treffers soos Cotton Eye Joe, Sweet Home Alabama, Tequila Sheila en Footloose in tipiese Campbells styl opgeneem.
Die produksie, verwerking en opname is deur die Campbells self behartig met die hulp van top Suid Afrika musikante in samewerking met Arnold Coleske. Die album is ‘n moet vir enige Suid-Afrikaanse musiek ondersteuner en sal vermaak aan jonk en oud verskaf.